Andy Wauto Cilik

Assalamualaikum Wr. Wb.

Alhamdulillah wasyukurillah, poji sokkor dha’ Guste Allah se Maha Agung, amarga esa’at mangken kengeng areng-sareng dhalem kabadha’an sehat wal afiat. Enggi ka’ dhinto e dhalem acara perpisahan ka’ dhinto. Insya Allah acara ka’ dhinto aropa’agi acara se jejjer elaksana’agi sabban taon.

Para rabu se padha molja,

E dhalem papanggin ka’ dhinto kengenga para rabu sadaja ngagali rassa senneng abdhina amarga ampon tello taon abdhina bias nembha elmo e sakola’an ka’ dhinto. Dhari pan-saponapan abhu se terro maso’a ka sakola’an ka’ dhinto, abdhina sareng ca-kanca sadaja se bias daddi wargana sakola’an paneka. Dha’ para guru, abdhina abekkele ca-kanca se laen mator sakalangkong se sobung bates epon. Ajunan ampon soddi morok tor natar abdhina sadaja kalaban sabbar, sareng laten. Apareng petodu sareng nonton dha’ jalan se lerres. Maenga’ manabi abdhina loppa. Apareng okoman manabi abdhina salah, se adaddiyagi peccot dha’ abdhina sadaja. Ajunan ampon aropa’agi oreng towa dhuwa’ abdina sadaja.

Langkong se keng-bingkeng, abdina nyo’ona sapora se saraje epon. Amarga abdina sobung se ekabelessagiya. Tanto epon e dhalem tello taon ka’ dhinto abdina gadhuwan tengka pola se sala, se aropa’agi dusa raja. Abdina nyo’ona sopaja eparenge sapora.

Para rabu sadaja,

Saka’ dhinto saos pamator abdina. Manabi badha pangocap se korang sondhuk, abdina nyo’on sapora. Abdina aropa’agi manossa biasa se ta’ lopot dhari salah. Mator sakalangkong.

Wabillahi Taufik wal Hidayah.

Wassalamualaikum Wr. Wb.